Síðasta helgi afstaðin fyrir löngu síðan og ég enn á lífi. Afmælið gekk svona þrusuvel… bara alltof heitt… og ég ætla ALDREIII að verða leikskólakennari og hvernig í ósköpunum gerir maður pizzasnúða sem eru stærri en 1cm x 1cm og líta út eins og pizzasnúðar???

Ég var í prófi í dag (Kliniske færdigheder), svona verklegt í skólanum. Ég dró mælingu af blóðþrýstingi, púls, hita og öndun. Og svo átti ég að skammta morphin og gefa s.c. (í spikið sem er undir húðinni). síðan voru 20 mín teoría… þar sem spurningum var bombað á mig…
Þetta gekk bara sallafínt og ég náði.

Hvar getur maður falið lík af garðsláttumanni og garðsláttutraktor? Maðurinn sem ég réði til að slá risagarðinn minn sem sprettur fram úr öllu hófi eftir allan mávaskítinn í vetur, er að gera mig grasgræna… hann slær alltaf þegar ég er heima. Annað hvort finn ég góðann felustað eða hann fær sér ótrulega góðann hljóðkút á garðsláttutraktorinn.

Það er allstaðar svitalykt…. (það er líka ótrúlega heitt)… og bara svitalyktin mín er góð… svona sumarsvitalykt… ummm. Inn í öllum búðum, á göngugötunni, í öllum stigagöngum, á sjúkrahúsinu, í skólanum alllstaðarrr er svitalykt.

Lækkert missionið gengur ágætlega… nema neglurnar… sjúkrahúsneglur… annars líkist ökklinn minna og minna fílslöpp, komin smá litur á búkinn og klipparína mín ætlar að bjarga hausnum mínum í kvöld.

Og nú er bara markmið dagsins að láta íbúðina líta út eins og mannabústað hjá þokkalega siðmenntuðu fólki….

Ses 17. júni og aðra sé ég seinna….