Mikið óskapans er ég pirruð á fólki sem eyðileggur fyrir öðrum og stelur annarra manna eigum. Er orðin óskapans pirruð á fólki sem notar ótrúlega ljót orð um annað fólk. Finnst alveg ótrúlega margt fólk svakalega orðljótt þessa dagana. Og það notar svooo ljót orð um fólk sem var svooo æðislegt fyrir ekki svo löngu síðan. Aumingjans íslenska ríkisstjórnin fær öll þessi ljótu orð í andlitið… ásamt skemmdum mat, grjóti og kúkableyjum. Held samt að orðin séu hörðust. Fólk vill nýja ríkisstjórn, ríkisstjórn sem reddar málunum. Ríkisstjórn sem þarf ekki að byggja grunninn, heldur getur byrjað á þakinu strax í dag. Hvernig sem það er nú hægt? En fólk vill meina að það sé hægt og sem betur fer trúa óskapans margir á kraftaverk.

Svo eru það þeir sem eru rólegir og leyfa sér að undrast yfir þeim sem eru órólegir. Þeir órólegu verða bara reiðir  og segja að þessar rólegu, undrandi persónur, viti bara ekkert um hvað þær eru að tala!?!

Aldrei hef ég verið svona óskapans dauðfegin að búa í Danmörku og lifa bara rólegu hversdagslegu lífi í skemmtilegu götunni minni.

Samt var ég rænd í dag eða í nótt! Einhverjir nískir/fátækir eða bara siðlausir ræningjar rændu tveimur af þremur sólcelluhengiljósunum mínum sem voru undir pílviðartrénu. Vá hvað ég er spæld! Finnst svo ljótt að fara inní annarra manna garð og stela hlutum sem maður er tiltölulega nýbúin að kaupa!  (Sessa, ef þú lest þetta, farðu þá ekkert að minnast á sólstólin sem önnur hvort okkar fékk lánaðan þegar við vorum ca 6 ára á Aglastöðum)

Annars gengur lífið útá öndunarlífeðlisfræði, Øya (skáldsaga á norsku) og prjónaskap þessa dagana og allt þetta þrennt er svakalega flókið og ég verð að einbeita mér rosalega mikið. Þessvegna er ég þakklát fyrir að engin sé að berja á tunnur í nágrenninu, því þá gæti ég ekki einbeitt mér að þessum mikilvægu verkefnum og ekkert gengi!