Varð pínu pirri pí í dag þegar ég fann vonda manneskjulykt útum alla Fötex en sá hvergi eiganda lyktarinnar… finnst svo mikill óþarfi að vera svona sóði og stinga af! Finnst táfýla vond, finnst svitalykt vond, finnst reykingarlykt vond, finnst skítalykt vond, finnst gömul líkamslykt vond og finnst allar þessar vondu lyktir blandaðar saman, alveg hryllilega vondar…! Set á mig tvöfalda hanska ef ég þarf að hjúkkast í svona lykt og tel mér trú um að lyktarskynið sé í fuckfingrinum.
Svona get ég pirrast yfir hlutum sem einhverjir myndu kalla „smámuni“. Fyrir mér er þetta stórt! Svo held ég áfram að pirrast og valdi í dag, þegar ég sá mail í fb-inboxinu frá brottfluttri vinnufélögu og vinkonu, að pirrast á fólki sem ég fíla og flytur í burtu. Þetta byrjaði á Aglastöðum fyrir aldarmót þegar 2 vinkonur mínar tóku fokkerflugið suður og skyldu mig eftir í moldarbarðinu. Ég ákvað síðar að hefja nýtt líf… og flutti á þessari öld í hægri afkima Suðurjótlands. Síðan þá hafa fleiri en ég get talið á fingrum, flutt í burtu… annaðhvort farið í úlpu og farið til Íslands (já, ég veit að þið sjáið eftir því og ykkur er skítkalt) eða ekið upp eftir E45 og beygt útaf á mismunandi stöðum. Skil svosem alveg þá sem hafa flutt til Århus en fólkið sem hefur flutt til Haderslev og Horsens mætir litlum sem engum skilningi! Þetta eru bara ekkert cool bæjir (nema Horsens rétt á meðan U2 er í heimsókn). Hefði nú fundist ok að segja manni áður en maður flutti að ef maður flytti í hægra horn Suðurjótlands, flytti fólk frá manni en ekki til… afhverju sagði mér engin að fólk flytti aldrei frá manni í Aarhus eller Kbh?
Í vor kom svo nágranninn (Hr. Quitzy) og tilkynnti eftilvill flutning eftir 1 ár vegna nýju vinnunnar einhversstaðar í nágrenni við þetta ansalega og vinsæla þríhyrningssvæði. Ég tók síðan kallinn tali í götupartýinu (þegar ég komst að fyrir hr. Pimm) og spurði hann hvort þetta umferðarruglsþríhyrningsvæði væri nokkuð spes… hvort það væri nokkuð annað þarna en umferðarteppa? Hann sagði að ég væri besti nágranni í heimi, afþví að ég stæði svo oft á brókinni útá tröppum (ætla aldrei að hætta því) og getur hann ekki hugsað sér að koma ekki heim um helgar og vinka mér.
