Getur einhver sagt mér hversu gömul börn bróður mins eru???

Og getur einhver sagt mér hvernig maður fer að því að muna aldur á fólki það þegar það eru á óljósum aldri?

Óljós aldur er aldur þar sem fólk er ekki fætt 1967, 1975, 1995 og 1997. Sérstaklega aldurinn frá  1968-1974 og 1981-2007 er í þoku. Og sérstaklega er erfitt að muna aldur á börnum sem maður sér á ca 4ja ára fresti…

Jæja folks… ég bakaði, var ég kannski búin að segja ykkur það… ok kannski, en það er ekki eins og ég hefi verið að gera þetta í fyrsta skipti… kommon… ég er ekki 2talt vonlaus! Hef bara ekki bakað í allavega 2 ár.

Næstum allir pakkarnir eru farnir áleiðis með póstamanninum til Íslands, jólakortin fara í póstkassann í dag og síðustu pakkarnir fara líka í dag. Þá er bara að fara tala við kommununa og sækja um heimilishjálp til að þrífa það mesta fyrir jólin. Get ekki ímyndað mér annað en að ég eigi fullan rétt á slíkri hjálp þar sem ég kláraði jólakort og jólagjafir án teljandi andlegra vandræða. Þetta eiga að vera fríðindi eða jólagjöf frá kommununni til mín. Ég ætla að biðja um ábyggilega konu sem á að koma heim til mín einu sinni á dag og þrífa, versla inn og elda matinn fyrir mig. Jólagjöfin frá heilbrigðismálaráðherranum er ekki nóg… bara einn flatur pakki og ég veit hvað er í honum… hann hafði ekki einu sinni fyrir því að reyna að villa um fyrir manni!

Ég fór í bæinn með Aldísi í gær eftir að hafa verið á póshúsinu… við ákváðum að kíkja eftir „potientellum“ jólagjöfum handa sjálfum okkur… Guð hvað ég sá margt… sagnorðið „að kaupa“ hríslaðist hreinlega um æðar mínar. Ég tók báðum höndum um kinnarnar á Aldísi og horfði djúpt í augun á henni og sagði: „þú verður að muna allt sem mér finnst flott og segja pabba þínum frá því…“ Hún lofaði!

Verð að hætta, svo ég geti farið að klára jólagjafirnar, svo ég geti einbeitt mér að heimilishjálpinni frá kommununni… ohhh hlakka svo til… vona að hún sé snillingur í eldhúsinu!