Megrandi uppskriftir af einföldum og þægilegum megrunarkökum.
Þegar fólkið í kringum mig, bæði í Danmörku og á Íslandi umturnaðist og fór að borða steinaldarmat, hráfæði, engan sykur, ekkert hveiti, enga mjólk og engin litarefni, hugsaði ég með mér: „ekki ég“, því ég læt að sjálfsögðu ekki plata mig út í þesskyns vanhugsaða vitleysu. Er hvorki fædd í gær né ginkeypt.
Í allavega tvö ár hefur þetta birst mér sem myndir og linkar og hreinlega borað sér inn í undirmeðvitundina. Á sama tíma hef ég barist nánast blóðugum bardaga við magaspikið mitt. Ég vildi ekki hafa það! Það er sama hvað ég spriklaði, teygði mig og beygði út um allan bæ, þetta vildi ekki fara. En ég get lofað ykkur að six packinn á bakvið var svo harður að ef fullvaxta hrútur stangaði mig, hefði hann steinrotast. Og hornin molnað.
Þannig að þegar ég heyrði að kílóin og spikið rynnu af öllum vinum mínum sem borðuðu bara spelt og síróp, ákvað ég að gefa þessu séns.
Ég fór að baka.
Fyrsta kakan var gerð síðasta laugardag. Hún var einstaklega einföld og fljótleg. Ég var enga stund að þessu og það hentar mér mjög vel. Fæ nefnilega svo mikin höfuðverk ef ég stend of lengi í eldhúsinu.
Hér er uppskriftin:
1kg spelt
2 tsk handsíað salt, beint úr næsta sjó
1L hunang
2kg hnetur
0,5kg möndlusmjör
2kg ofþornaðar döðlur (eitthvað sem er verslað í skjóli myrkurs)
2kg ofþornaðar fíkjur (sama og með döðlurnar, líka hægt að fá einhvern til að kaupa þetta fyrir sig)
2kg sveskjur, með eða án steina (sama og með döðlurnar og fíkjurnar, mjög vandræðalegt að versla þessa fæðu)
1kg kakósmjör
3,5kg fæðubótaefni t.d. proteinríkt herbalife
1kg möndlumjöl
1,5L síróp
12 tsk fylgjuduft (í staðin fyrir lyftiduft)
Látið hunangið liggja í sírópslegi í 2 sólarhringa, blandið því næst ÖLLU saman og hrærið í Kitchen Aid vél (engu öðru) og bakið neðst í ofninum á 220 gráðum í 6 klukkutíma.
Til að skreyta kökuna er best að nota svona sprautu:
Og hér er svo útkoman:
Þetta var fyrsta kakan mín og þessvegna mikið af byrjendamistökum. Þau stærstu og mest áberandi eru að hún varð ljósfjólublá. Litur sem ég meika bara ekki. En hún bragðaðist það unaðslega að börnin sögðu: „mamma mín, viltu baka svona köku aftur?“
Á sunnudeginum gerði ég aðra köku á sama hollustu „leveli“.
Hér er uppskriftin:
1kg kakósmjör
2 tsk handsíað salt, beint úr næsta sjó
1L hunang
2kg hnetur
0,5kg möndlusmjör
1kg spelt
2kg ofþornaðar döðlur
2kg oftornaðar fíkjur
3,5kg fæðubótaefni t.d. proteinríkt herbalife
12tsk fylgjuduft
1kg möndlumjöl
1,5L síróp
2kg sveskjur
Látið hneturnar liggja í sírópslegi í 2 sólarhringa, blandið því næst ÖLLU saman og hrærið í Kitchen Aid vél (engu öðru) og bakið neðst í ofninum á 220 gráðum í 6 klukkutíma.
Þessi varð sem betur fer ekki ljósfjólublá og bragðaðist því enn betur en sú fyrsta. Reyndar var pínu maus að gera þessar rendur. Við buðum góðum gestum í kaffi og þeir fóru heim, alsælir, með uppskriftina í vasanum.
Á mánudaginn var ég voðalega aðgerðarlaus og ákvað því að prófa þriðju uppskriftina og vera tilbúin með köku þegar maður og börn kæmu heim eftir erfiðan vinnu- og skóladag.
Ég googlaði og fann þessa uppskrift sem mér fannst afar spennandi.
12tsk fylgjuduft
2kg ofþornaðar fíkjur
1kg spelt
2kg sveskjur
3,5kg fæðubótaefni t.d. proteinríkt herbalife
1L hunang
2kg hnetur
0,5kg möndlusmjör
2kg ofþornaðar döðlur
1kg kakósmjör
1kg möndlumjöl
1,5L síróp
2 tsk handsíað salt, beint úr næsta sjó
Látið saltið liggja í kakósmjöri í 2 sólarhringa, blandið því næst ÖLLU saman og hrærið í Kitchen Aid vél (engu öðru) og bakið neðst í ofninum á 220 gráðum í 6 klukkutíma.
Útkoman var hrein og beint yndisleg.
Sérstaklega fuglinn var bragðgóður en því miður festust fjaðrirnar í tönnunum. Ég hóaði í vinnufélagana hans Fúsa í tilefni afmælisins og komu þeir við eftir vinnu. Kakan var svo góð að hún kláraðist næstum enda voru 37 svangir munnar um hana.
Á þriðjudaginn fann ég að ég var komin í gírinn og langaði til að gera fleiri kökur á hæðum. Vinkona mín sendi mér þessa uppskrift sem hún mælti eindregið með.
3,5kg fæðubótaefni t.d. proteinríkt herbalife
1kg kakósmjör
2 tsk handsíað salt, beint úr næsta sjó
1L hunang
2kg hnetur
0,5kg möndlusmjör
1kg spelt
2kg ofþornaðar döðlur
2kg ofþornaðar fíkjur
12 tsk fylgjuduft
1kg möndlumjöl
1,5L síróp
2kg sveskjur
Látið möndlumjölið liggja undir sveskjunum í 2 sólarhringa, blandið því næst ÖLLU saman og hrærið í Kitchen Aid vél (engu öðru) og bakið neðst í ofninum á 220 gráðum í 6 klukkutíma.
Til að skreyta þessa og gera hana svona græna, er best að nota þessa sprautu og þetta krem.
Já, ég verð nú bara að viðurkenna að ég er frekar stolt af þessari. Ekki að ég vilji vera að grobba en kommon… þetta var bara þriðja hollustu kakan mín og ég svoddan nýgræðingur.
Í gær var ég fílefld eftir þessar vellukkuðu uppskriftir og dauðlangaði til að baka norðurljósaköku. Fékk senda uppskrift alla leið frá Íslandi og ég dembdi mér í verkefnið. Uppskriftin hljómaði nýstárlega en var jafn einföld og fljótleg og hinar.
2kg ofþornaðar döðlur
1kg kakósmjör
2 tsk handsíað salt, beint úr næsta sjó
2L hunang
2kg hnetur
0,5kg möndlusmjör
1kg spelt
2kg ofþornaðar fíkjur
12tsk fylgjuduft
1kg möndlumjöl
1,5L síróp
3,5kg fæðubótaefni t.d. proteinríkt herbalife
2kg sveskjur
Látið speltið liggja í fylgjudufti í 2 sólarhringa, blandið því næst ÖLLU saman og hrærið í Kitchen Aid vél (engu öðru) og bakið neðst í ofninum á 220 gráðum í 6 klukkutíma.
Þessi kaka mistókst því miður ofboðslega mikið og ég fór í alvörunni að kjökra. Grunar að ég hafi sett einni fíkju of mikið. Fjandans fíkjur.
Þetta líkist náttúrulega ekki norðurljósum fyrir fimm aura!
En ekki gat ég hent henni í ruslið því svona bökunarverk er ekki ókeypis. Því sendi ég mail á alla vinnufélagana sem voru á dagvakt og bauð þeim í kaffi eftir vinnu. Tuttugu og tveir mættu og gæddu sér á kökunni. Þau skildu ekki afhverju ég var að kjökra þetta en þau hafa heldur ekki séð almennileg norðurljós.
Í dag kom ég heim kl. 5, dauðþreytt eftir langan skóladag í Vejle. Ég verð líka alltaf svo sybbinn eftir svona keyrslu og það hjálpar lítið að hrjóta eins og hross í aftursætinu. Þessvegna googlaði ég bara einfalda og litla köku sem ég þurfti lítið að hafa fyrir. Ég fann þessa örstuttu uppskrift.
1kg kakósmjör
2 tsk handsíað salt, beint úr næsta sjó
1L hunang
2kg hnetur
0,5kg möndlusmjör
1kg spelt
2kg ofþornaðar döðlur
2kg ofþornaðar fíkjur
12tsk fylgjuduft
3,5kg fæðubótaefni t.d. proteinríkt herbalife
1kg möndlumjöl
1,5L síróp
2kg sveskjur
Látið döðlurnar liggja við hliðina á fíkjunum í 2 sólarhringa, blandið því næst ÖLLU saman og hrærið í Kitchen Aid vél (engu öðru) og bakið neðst í ofninum á 220 gráðum í 6 klukkutíma.
Kakan virðist ekki stór á myndinni en í alvörunni er hún risavaxinn. Því bauð ég nágrönnunum í síðdegiskaffi og haldiði ekki að þeir hafi kysst mig í bak og fyrir, allir tuttugu og sjö. Já, þeir hrósuðu mér í hástert.
Eftir þessar sex kökur, sex daga í röð hafa kílóið hrunið af mér…
Þessi mynd var tekin af mér á föstudagskvöldið… borðandi smákökur innihaldandi hvíta sykurleðju og hveiti!
Eftir kvöldmatinn í kvöld fór ég í ræktina… og tók enn einu sinni vel á því!
Ég finn bara hversu mikla orku ég fæ úr þessum hráfæðistertum og hversu færir allir vegir verða mér. Ég er farin að lyfta 75% meiri þyngd en fyrir mánuði síðan og þarf þessvegna stuðningsbelti fyrir mjóbakið. Spikið er greinilega horfið af maganum og við prófuðum faktisk að lýsa í gegnum bakið áðan með vasaljósi og ég get svo svarið það… við sáum blóðið renna eftir stóru slagæðinni í maganum á mér.
Á myndinni klæðist ég Akira fitness pro combi buxum og KariTraa ProSweat bol (ekki datt ykkur í hug að þetta væri gamall kvennahlaupsbolur?).
Allar myndir eru ekki teknar af mér sjálfri og uppskriftirnar eru til frjálsra afnota.
Verði ykkur að góðu.
