hlaup, motorhjol, heyskapur og ferming

Dagurinn í dag er búin að vera frábær… hreint út sagt!

Byrjaði á stuttum hlaupatúr um miðbæinn og í kringum Mölledammen (ELDSNEMMA),
Fór svo útí bæ að máta motorhjólaföt… voru alltof lítil en hjálmurinn og hanskarnir pössuðu 🙂
Tók það.

Sat svo aftaná á motorhjóli niður í Flensburg… hef ekki setið aftan á síðan hjá Guðný Ingu á Tókastaðaafleggjaranum þegar við vorum unglingar (veit ekki einu sinni hvort það var motorhjól).
Veðrið í dag var sólríkt og vindasamt… mér var samt ekki kalt… en ég tók engan lit á motorhjólinu… of mikil föt!

Skoðuðum íbúð niðrí Deutschland og fórum svo á kaffihús… það sama og venjulega.

Fórum svo Fjarðarleiðina heim… ofboðslega var allt fallegt í dag…
Svo keyrðum við rosalega hratt… (þori ekki að segja hversu hratt)…. eins og druslan dró… og þá leið mér eins og nýfæddu babyi… erfitt að halda haus í rokinu…! Bað um stopp til að stabilisera hausinn… var ekki hlustað á mig… hefði getað orðið hauslaus!

Þegar við komum heim var prinsess Aldís komin heim og horfði bænaraugum á hjólið… jú jú auðvitað mátti hún prófa… ég sagði: „bara stutt“…

En ég beið og beið… hélt fyrir rest að þau hefðu lent í slysi!!!
Voru ca 20 mín á rúntinum… mér fannst það heil eilífð.
Á meðan Aldís rúntaði um, kom prinsess Svala heim og beið eftir þeim með hvolpaaugum… auðvitað mátti hún líka prófa… kom svo heim með leyndarmál… sem hún mátti allsekki segja mér… gott hjá þeim! En það er alveg ok þar sem ég svo innilega laus við alla forvitni!

Eftir þetta var ég svo glöð að ég bara varð að gera e-ð erfitt… klæddi mig næstum úr öllum fötunum og sló túnið. Sprettan var heldur lítil svo lítið fékkst afþví. Líka einhver órækt í því… e-ð sem þyrfti að gera e-ð við.
En eftir slátt rakaði ég tuggunni saman og henti yfir runnann… eins og maður hendir inní hestagirðinu því sem maður nennir ekki að hirða.

Fór svo í bæinn að redda ýmsum málum og versla… Netto-túrnum var reddað þegar fallegasti læknir ever kom hnerrandi inn í Netto og stundi upp litlu „hæi“. Þið ættuð að sjá hann!

Þegar heim var komið var yndislegi eiginmaðurinn minn komin heim og vildi eyða með mér stund úti við og dást að heyskapnum mínum…

Aldís vill ólm planleggja ferminguna sína… er búin að búa til gestalista… úff þessi gestalisti… afhverju í ósköpunum er maður að bjóða fólki sem maður ekkert samband hefur við bara af því að það er venjan???
Er það útaf gjöfunum?… svo að Aldís mín græði meira…?
Jæja… ætla að kúra aðeins í handarkrikanum á Fúsa mínum áður en næsta „aktivitet“ tekur við… (þeas ef ég má kúra hjá honum… við urðum nefnilega ósammála útaf gestalistanum áðan… úff kannski e-ð til að rífast útaf í heilt ár!!!)