voru líka páskar hjá ykkur?

Fyrir ca 4 vikum horfði Aldís á „Kollegiet“ hjá Mathilda. Það var miður dagur og myndin er hryllingsmynd.

Síðan þá hefur hún ekki getað sofið ein.

Fyrstu 3 vikurnar var systir hennar viljug til að sofa hjá henni, þá þurfti prinsessan nefnilega ekki að búa um rúmmið sitt. Svölu rúm var semsagt alveg óhreift í rúmar 3 vikur.
2-3 nætur í síðustu viku sváfu þær í Svölu rúmmi…

Í gær tilkynnti Svala að hún vildi sofa ein…

Shit… þá voru góð ráð dýr (fyrir Aldísi).
Aldís: „Svala, eigum við að sofa saman?“
Svala: „það kostar 3 tyggjópakka“
Fúsi: „nei Ásrún Svala… ekkert svona“
Svala: „þá nenni ég því ekki“
Aldís: „gerðu það…“
Svala: „NEI“
Aldís: „please… má ég þá sofa á gólfinu hjá þér?“
Svala: „(hugsi hugsi)… það kostar 25 aura“
Aldís: „ok :-)“
Aldís: „(hugsi hugsi) en hvað kostar í aurum að sofa uppí hjá þér?“
Svala: „kostar 5 krónur, veit ekki hvað það er í aurum“

Endirinn var samt sá að stóra systirin fékk að sofa ókeypis uppí hjá litlu systirinni…
Og við nánari eftirgrennslan skuldar stóra systirin litlu systirinni maaarga tyggjópakka!!!

Hér í DK eru búnir að vera páskar… fyrsti helgidagurinn var blautur… annar var sólríkur og æðislegur… svo kom laugardagur… skítkaldur… var plötuð upp í Danfoss universe…kalt? ójá… ískalt… og stelpurnar vildu bara vera úti… eina skiptið sem ég gat platað þær inn var til að fara á wcið og svo bauð eg upp á kakó.
Páskadagur… sólríkur og yndislegur… páskaegg og páskakanínur voru falin útí garði um 10 leytið… við fórum endanlega inn um 16 leytið… þetta var 3 dagurinn sem ég dundaði mér við að hreinsa mosa og gras upp úr fúgunum á flísunum… fjárfesti í alvöru græju til þess!
Ég skúraði meira að segja útitröppurnar á páskadag…

Gatan lifnaði við… grannarnir söguðu, mokuðu, grófu, virtu fyrir sér blómin og spjölluðu saman yfir limgerðin.

Í morgun vaknaði ég við hljóð í pabba (ekki mínum), hóp af börnum og snjóþotum… ég bý í brekku og brekkan er notuð þegar það festir snjó.

Skjótt skipast veður í lofti!

Í morgun hjólaði ég í fitness… sá EKKERT vegna hríðar.
Fór í sturtu í fitness og var sko ekki sú eina… allir fóru í sturtu í fitness eftir body pump í dag… þegar ég smeigði mér á milli kviknakinna kvenna í öllum stærðum og á öllum aldri, spurði ein: „já, var hægt að kveikja meira ljós…?“
Allar hinar voru með hvítan blett á rófubeininu… nema ég!

Afhverju getur fólk ekki bara náttúrulegt á litinn?
ég kem frá norðurlöndunum, bý í skandinavíu og samkvæmt náttúruvísindunum er algjörlega ómögulegt að ég sé brún á veturnar…

njótið þess að vakna snemma á morgun 🙂