Fuglalífið í súru og sætu

Aha dúfur í trénu mínu…. þrátt fyrir að ég hefi hlaupið öskrandi út í garð um daginn til að reka þær í burtu þegar þær voru að borða smáfuglafóðrið… einkennilegt!

Þær voru í stærsta trénu mínu í allan dag. Stærsta tréð mitt er ekki svo stórt… ekki miðað við tré nágrannans. Okkar er kannski svona 7-8 metrar og við vitum ekki hvað það heitir…
En það er hægt að klifra í því.

Og það er það sem gerir það að verkum að ég á eftir að liggja nakin í sólbaði í sumar… þetta tré skyggir á útsýnið frá húsunum í vestri.

En í dag voru dúfurnar í því… í allan dag. Ég veit ekkert um dúfur… nema þekki hljóðið í þeim (trauma síðan á sönderskovkollegienu) og hvernig skíturinn úr þeim lítur út.

Dúfa, dúfan, dúfur og dúfurnar er líka hræðilegt nafnorð… það er ekkert verra en þegar kvenfólk er kallað dúfur. Það fyrirfinnst samt (trauma úr bakpokanum). Einkennilegt!

En semsagt dúfurnar í trénu í dag.
Var alveg að fara að opna hurðina til að öskra á þær þegar mér datt í hug að þær væru kannski að hafa samfarir og ætluðu svo að gera hreiður.

Og ég elska afkvæmi… flestöll afkvæmi. Sjerstaklega á meðan þau eru ósjálfbjarga og nærast á móðurmjólkinni.

Það eru nefnilega 4 hreiðurkassar í garðinum mínum… held ég sé búin að fyrirbyggja hreiðurgerð og fuglasamfarir nálægt þessum kössum sökum forvitni. Búin að anda too much oní þessa kassa. Því miður.

Finnst það frekar súrt… sko að geta ekki stýrt sjálfri mér. Að fullorðin einstaklingur skuli bæði opna jólapakkana fyrirfram og kíkja oní hreiðurkassana í tíma og ótíma er ekki ásættanlegt (ásættanlegt… er ég ekki bara frekar sleip í íslensku???) ég ætti að skammast mín og temja mér meiri aga!

Vinkona mín kíkti í heimsókn áðan… sagði mér að stofna facebook til að hafa e-ð að gera í pásunum þegar ég byrja á ritgerðinni.

Þau voru að kaupa hús… flytja inn í það 5 dögum eftir lyklaafhendingu… svosem alveg hægt að búa í því eins og það er… en ætla að rífa niður einn vegg, nýtt eldhús, nýtt bað (en bara 1 af 3), mála 273 fermetra, e-ð á að ath gólfin og svo þarf að skipta út gluggum og þaki… þetta er allt 1. mál á dagskrá… mér finnst mitt litla fallega hús og kjallarinn svo mikið peace of cake þegar ég hlusta á hana…já og svo fylgja hænur með húsinu þeirra… er hægt að vera heppnari… þau fá 3 hænur og 2 egg á dag… ég elska hænur en ekki dúfur!

Börn og sumt fólk er komið í páskafrí.

Þessi blessuðu frí fara alltaf framhjá mér… gleymi að það séu að koma frí… planlegg ekkert, versla ekki stórt inn og skreyti ekkert. Stelpurnar mínar hafa í ár ekki enn látið í ljós skoðanir sínar á hefðbundnu páskafríi… allavega ekkert sem kemur mér ílla. Reyndar reyna þær að brjóta upp íslensku páskaeggjahefðina hvert einasta ár… finnst nefnilega fáranlegt að borða páskaeggið á páskadag… rökstyðja það með því að þær fái „tynd mave“ (þunnan maga =niðurgang) af öllu þessu páskaeggjaáti á einum degi. Líklega ca 4 vikur síðan Aldís byrjaði að suða um að meiga opna páskaeggið sem þá var komið í hús.

Ég á reyndar suðara götunnar… alveg handviss!!!
Góða nótt