sunnudagskvøld í mæði

Sunnudagskvöld… það eina sem bjargar sunnudagskvöldum eru þættirnir á DR1… t.d. Nikolaj og Julie, Örnen, Forbrydelsen og núna Sommer. Er að sjálfsögðu búin að taka Sommerprófið… ég er Anna Krogh Möller… var að vonast til að vera Adam!
Er ekki annars verið að sýna Forbrydelsen á íslandi núna??? Viljiði vita hver morðinginn er? Ég veit það… get alveg bloggað því ef þið vitið það ekki og viljið vita það.

Á föstudaginn var ég pínd í fitness (Syd) eftir margra mánaða fitnesspausu. Var með í holli sem heitir bodypump og það var eiginlega ógeðslega gott.
Allan laugardaginn var mér svo ógeðslega íllt allstaðar… eða næstum allsstaðar. Rölti samt í bæinn með fjölskyldunni og keypti kerti… allskonar kerti… breið, mjó, löng og stutt.

Og þrátt fyrir eymslin fór ég líka og fékk mér kvöldmat á Ib ásamt buddy´sunum og svo í bíó á eftir… sáum að sjálfsögðu „To verdener“ sem segir sögu 17 ára stelpu sem elst upp við Jehovas votta og hennar tilfinningarrugl í sambandi við það. Sá sami og gerði Drömmen gerði þessa mynd. Mér fannst og finnst Drömmen æðisleg… og þessvegna bjóst ég við svo miklu af þessari. Plús að mér finnst sagan athyglisverð…

En það er eins og með Mýrina… aftur vonbrigði. Sagan var flöt… ekkert nýtt, ekkert sem kom á óvart í sambandi við Vottana eða við aðstæður stelpunnar. En hún er frekar vel leikin og ágætis afþreying í sófanum. Myndi setja hana í flokkinn sem heitir: „mynd sem maður tekur þegar maður er búin að sjá allar myndirnar sem manni langar rosalega mikið til að sjá og rekst svo alltíeinu á þessa í Favorithillunni í Blockbuster…“. Nema maður viti akkúrat ekkert um jehovas vottana… þá mæli ég með henni.

í morgun fór ég aftur í fitness og aftur var það bodypump… sárt en gott… og kom skapinu í lag… vaknaði nefnilega í geggjuðu skapi… skrönglaðist svo útí skúr með sexkant að sækja hjólið og ætlaði að hækka sætið því Aldís hefur verið að nota hjólið mitt undanfarna daga. Gat ekki hækkað sætið, gat ekki losað dæmið… hvernig sem ég reyndi… og skapið varð enn geggjaðra við að hjóla niðri fitnesscenter með alltof lágt sæti.

Stormaði inn, reytti utan af mér fötin og í hinn búninginn (ekki hlaupa) og fór svo á hlaupabrettið þar sem ég hitti Mark, sem spurði afhverju ég væri svona svakalega fúl… ég spurði bara á móti hvort hann yrði ekki fúll ef hann fengi hnén upp í handarkrikann mörg hundruð sinnum á mínútu???

Svo eftir að vera búin að pumpa og koma skapinu í lag og vorum að fara heim bauðst hann til að hækka sætið fyrir mig, þar sem ég var enn með járnstöngina (sexkantinn)í vasanum. Jú takk.
Nei nei þá sagði hann bara að ég væri svo leggjalöng og hækkaði sætið svo næstum í hæstu
stillingu og herti vel.

Eins að maður geti brosað að þessu á sunnudagsmorgni… ónei.

Síðan var seinnipartinum eytt í faðmi fullorðirna og barna í afmæli á Ringgade þar sem Fúsi kláraði hverja tertuna á fætur annarri svo að börnin fengu litið sem ekkert.

Ég er að spá í að fara upp á Toyotaverkstæði og spyrja hvort þeir vilji ekki sprauta allskonar dót fyrir mig og gefa mér magnafslátt… er nefnilega mjög ánægð með borðplötuna.

Á morgun ætla ég kannski að labba í skólann… það verður í fyrsta skiptið síðan í menntaskóla sem ég labba í skólann.

Læt ykkur vita hvort ég lifi það af.