bráðum 40tug og hætt…
Í vinnunni rekum við gjafakassa svo að hægt sé að gefa hvort öðru gjafir á tyllidögum. 1. júní átti vinnuvinkona mín 10 ára starfsafmæli og ég var sett í djobbið… að finna gjöf fyrir 300 kall. Og þar sem ég stend og er e-ð að stúdera þetta gjafakerfi þeirra, rek ég augun í að í 40tugs afmælisgjöf fær maður gjöf fyrir 500kr. 500kall!!!
Neiii ekki svona 500kall…
Heldur svona…
Eða svona…
500 krónur sléttar!!!
Ég hoppaði hæð mína og vel það, enda aðeins meðalhá í loftinu. Fyrir ykkur sem hafa ekki fylgst með aldri mínum, þá er ég ca nákvæmlega 38 5/6 ára núna og því styttist óðfluga í 40tugs afmælið mitt. Ekki það að ég sé neitt byrjuð að spá í það að ráði, róleg… nema það er eiginlega allt að verða tilbúið!!! Get ekki beðið! Ekki stundinni lengur! Og í þessa 17 daga sem ég hef vitað að ég fæ gjöf frá vinnunni fyrir 500 kr, hef ég varla talað um annað á Gjörinu. Hef spáð og spegúlerað í, hvað ég ætti að óska mér… hugsa að það verði e-ð persónulegt, e-ð sem ég á eftir að eiga, horft á og hugsað…: „þetta gaf Gjörið mér“. Því ég þarf á minningu að halda -ég er nefnilega að spá í að hætta í vinnunni og bara að vinna yfirleitt. Gerast einslags ellilífeyrisþegi í yngri kantinum. Ekki vegna þess að mér finnist leiðinlegt að vinna, heldur varð ég fyrir opinberun í gær á sjálfan þjóðhátíðardaginn.
Það var nefnilega þannig að yfirhjúkrunarfræðingurinn minn ákvað að verða ellilífeyrisþegi. Þessi hjúkunarfræðingur hefur alltaf verið yfir mér, bæði á gömlu deildinni minni og nú Gjörinu. Ég mætti í kveðjuteitið því sjúkrahúsið gerir lystagóðan pinnamat og vegna þess að ég eyddi ófáum tímum alein með yfirhjúkrunarfræðingnum á skrifstofunni hans fyrstu 2 árin á starfsframa mínum. Við unnum saman í að bæta andlegt og líkamlegt vinnuumhverfi á sprænudeildinni.
En að opinberuninni… er einhver mannsála að gera sér grein fyrir pakkaflóðinu sem maður fær ef maður hættir að vinna???
Ekki láta blekkjast af blómunum… það fylgir pakki öllum blómum. Þarna úgði og grúgði af allskonar fíniríi… bókum, líkamsdóti, húsapunti, upplifunum og fleira og fleira!
Ég fór langt yfir öll velsæmismörk með því að taka þessa mynd. Veit það og roðna smá við tilhugsunina, því svona gerir maður ekki. Maður tekur ekki myndir af annarra manna gjafaborði nema með leyfi eða viðkomandi sé barnið manns eða mamma.
En spáið samt í hvað það yrði gaman hjá mér ef ég færi bara á ellilaun…!
[…] Það sem er efst í huga mér núna, vegna þessarar óskaplegur skipulagsáráttu Danana, er afmælið mitt. Þetta sem ég get ekki beðið eftir! Ég borgaði inn á skuldina mína í gjafakassanum í vinnunni á gamlárskvöld. 200 kall (4156,20 ISK) svo þetta mjatlast. Það var nefnilega í júní sem ég uppgötvaði að ég fæ gjöf af verðmæti 500kalls (10.390,50 ISK) þegar ég verð fertug. Auðvitað bloggaði ég um það. […]