Tinglev is the life… !!!

Í gærmorgun reis ein hjúkkan upp á afturlappirnar og tilkynnti á skrifstofunni að það færi mér alls ekki að aka um í Wagon… ég yrði bara að fá Grand Vitara. Hann myndi fara mér mikið betur og það þyrfti ekkert að ræða þetta frekar. Svo fékk ég bara lyklana.
Það er nefnilega ekki ætlast til að keyra um á Grand Vitara innan bæjar, þar sem þeir eyða meiru og voru keyptir fyrir sveitina. Og ég er bara að rúnta innan bæjar núna 😉

Engin þorði að segja neitt.

Og svo í morgun þá segir hún: “heyrðu, þú tekur bara Grand vitara og líka á mánudaginn”.
Mér leið mikið betur í vinnunni í gær og í dag. Bara egoslys að vera á Wagon. OJOJOJ

Svo hefði ég betur verið á Grand Vitara á föstudaginn síðasta þegar ég keyrði sjálf í Bolderslev og Hjordkær… með GPS sem virkar svona þrusuvel… allar adressur kóðaðar inn og með rödd.
Að villast í Bolderslev er náttl ekki hægt en ég ætlaði aldrei að finna réttu leiðina útur þorpinu og til Hjordkær. Þetta er eins og að villast í Fellabæ ef Fellabær væri með 10 útkeyrslur. Hjálp!

Í gær var ég að sprauta einn og sá þá útum gluggann að löggan stóð útá götu og var að stoppa fólk. Borgaranum fannst löggan frekar myndarleg… og skoraði á mig að vera stoppuð… hann ætlaði að fylgjast með. Mér fannst löggan líka myndarleg.
Ég valhoppaði út í Grand og tvítjekkaði á ökuskírteinuni mínu. Spennti beltið og talaði ekki í símann. Og keyrði svo löturhægt fram hjá myndarlegu löggunni. Hann bara blikkaði og veifaði. Oooo keyrði inn á næsta bílastæði, snéri við og keyrði aftur fram hjá. Varalitaði mig í speglinum um leið.
Virkaði ekki… fór hring í bænum og reyndi aftur… og aftur… og aftur…. og ég bara: “STOPPAÐU MIG!!!” sko hugsaði… eða öskraði inní mér. Hann bara alveg steindauður og var meira að segja hættur að brosa og blikka.

Í dag var frekar rólegt… ég fór og fyllti bílinn… gaurinn í Statoil Tinglev var að skúra sjoppuna þegar ég kom. Hann sagði að gólfið væri hált og ef ég dytti vildi hann alveg hjálpa mér upp. Svona eru þeir sætir í sveitinni (nema löggan). Tinglev er smábær með ca 2000 íbúum og einni húsgagnaverslun. Unglingarnir klæðast papfarspige peysum og Sheapmonday buxum… eins og annarsstaðar. Rosalega mikið af BMW og þýskum verktökum sem reykja ótakmarkað. Það reykir sko engin af hjúkkunum í vinnunni minni. Enda eru reykingar ógeð. GUBB GUBB GUBB.

Er svöng. Góða helgi.