Ég verð að fara á fætur fyrr á morgnana… áður en ég keyri bæjarbúa Tinglev niður á siglingunni inn í bæinn… klukkan hringir 0515 og ég druslast ekki á fætur fyrr en 0545 og sé fram á að hafa ekki tíma til að vera mesta pæjan í Tinglev, þannig að án makeups og hárið í tagli með hárspöng hleyp ég á harðahlaupum niður tröppurnar, kem við í Q8 og splæsi á mig kaffi (hrikalega dýrt) og rúnstykki með litlu smjöri (ef ég náði ekki morgunmatnum) og mæti gjörsamlega á síðustu stundu morgun eftir morgun. En það er þokkalega cool að drekka kaffi í bílnum… hef lent í því 3svar að það sé skálað í kaffi… og svo fæ ég líka blik 😉

Ætlaði í FUNK í dag en funkkonan var í svo vondu skapi að hún gat ekki kennt… kvæsti bara á mig að ég kæmi of seint og aflýsti svo bara.

Meldaði mig á næturvakt á morgun… líklega alltof sein… þarf líklega bara að sofa hjá Fúsa næstu nótt í staðinn fyrir hjá Camilla. Erum nefnilega fínar saman á næturvöktum Camilla og ég… erum innilega sammála um að það skipti ekki máli að hafa augun opin eða lokuð!!!

Erum að fara í brúðkaup hjá vinum okkar um helgina… verð að kaupa gjöf… því kannski bara best að ég fái ekki næturvakt því annars kæmist ég ekki í búð þar sem ég er á dagvakt á morgun líka. En vonandi ekki svo langri… og vitið… ég fæ að sofa út á morgun… til 0615!!! ÆÐI. Finnst erfitt að vakna margar nætur í röð kl 0515 þar sem ég fer venjulega alltof seint að sofa.

Þetta var bloggið um það hversu léleg ég er að vakna of snemma.