fjárhúsin og tommi

Þá er enn ein helgin að verða liðin og klukkæðið runnið af bloggurum.

Ég var að uppfæra linkasíðuna okkar, taka út, bæta inn á og allt það. Vildi bara taka það fram að þessi 2 börn, þau Viktor og Helena eru bara svona fyrir mig, það er nefnilega lykilorð og ég fer svo örsjaldan inn á barnasíður eins og t.d. barnaland og kvitta þess vegna alltof sjaldan og sé myndirnar líka alltof sjaldan… en núna verð ég alltaf þarna inni 😉

Myndirnar okkar fara líka að skríða inn (sjálfar).

What ever… síðasta vika… bara fín minnir mig, gott veður, tók kvöldvakt á fimmtudeginum út í Augustenborg á eftir dagvaktinni í Nordborg, svoldið strembið, en svaf bara frameftir á föstudaginn. Reyndar þegar ég er svona í fríi á morgnanna og leyfi mér að sofa, þá kemur alltaf hann Per og dinglar. Skil þetta ekki, sama hversu mygluð ég er og andfúl. Og næstum alltaf er það pakki til Fúsa. E-ð tölvudót sem vekur mig ekki alveg. Ég sef bara áfram eftir að hafa kvittað með titrandi hendi og haldið niðrí mér andanum.

Aldís gisti hjá bekkjarsystir sinni í gær og var dregin í Play and funhouse í morgun. Hringdi svo um 13 leytið og bað um að fá að koma heim. Tek það fram að hún mátti sjálf ráða, þurfti bara að finna ástæðu og sagði að ég hefði sagt að hún þyrfti að fara með mér í Netto að versla.

Já það var nú meira… Fúsi fór í kaffihring, og við mæðgur í Netto, að sjálfsögðu hjólandi, enda engin stórinnkaup í dag.
En þar sem Netto er nú frekar freistandi %&!”“#”$!¨# og SU pungurinn minn alveg troðinn svona rétt fyrir mánaðarmót, tókst okkur að versla ¼ af Netto á mettíma. Þannig að körfurnar á hjólunum voru þandar út og vel það. Svala sagði að þetta væri þyngra en skólataskan sem víst voðalega þung og ætlar hana lifandi að drepa (að eigin sögn). Enda svingaði hjólið útum alla stíga og enduðu öll eplin út um allann Sundsmarksvej.

En heim komumst við.

Við Fúsi erum haldin vissum veikleika/styrkleika (misjafnt hvað fólk segir) og þurfum alltaf að vera að breyta einhverju, annað hvort færa hluti, mála e-ð eða skipta um stellingu.

Á miðvikudaginn fengum við þá gömlu hugmynd í hausinn aftur um að breyta einhverju í stofunni enn einu sinni… ákváðum að fara í hjólatúr þar sem ég var gjörsamlega ógöngufær á báðum eftir körfuna á þriðjudaginn, og viðra hugmyndina.
Vorum við svo heppinn að hjóla fram á gömul grindarfjárhús á Sundsmarkstígnum (eða hvað hann heitir) og lágu spýtur úr grindunum eins og hráviði útum allt. Fúsi vildi hirða e-ð af þessu og smíða e-ð úr þessu. Jú jú ég samþykkti, (ég samþykki venjulega allt sem hann segir). En það þýddi það að við bæði þurftum að teyma hjólin með timbrinu oná. Já líka ég! Það var sko engin vorkun hjá mínum anni, þrátt fyrir að báðar stóru tærnar litu ut eins og tærnar á Tomma (Tom&Jerry) eftit slæma útreið.

Heim komst ég samt með þessar sparðaspýtur. Og Fúsi líka.

Í geymslunni okkar fann Fúsi svo fleiri spýtur úr gömlu kojunni, og nokkrar skrúfur í verkfærakassanum. Einnig áttti hann byrgðir af hvítu tippexi síðan það var tilboð í Bog&idé hérna um árið… 50 fyrir 500kr.
En úr þessu fæddist nýtt tölvuborð.

Á morgun ætlum við svo að reyna að troða okkur á hestbak, eða allavega þær skvísur! Bakterían loðir enn við þær síðan í sumar.

Ég var að þvælast inn á netdoktornum og fann út að ég er pera í vextinum… hjúkkit, ekki eins hættulegt… http://premium.netdoktor.com/dk/portal/interactivetests/apple.jsp

Annars átti þetta bara að vera stutt… svona er það nú.

Góða nótt
Dagný