tær og aftur tær

Áfram líður tíminn, 3 vikur búnar í verknáminu og helmingurinn af mínum íbúum dáinn. Þetta er búin að vera frekar annasöm vika, hitt og þetta í gangi, fundur, sýning í sönderskovskolanum, klipping, litun og lagning, geðveikt party í skólaum mínum í gær og barþjónn í Sönderskovskólanum í dag.

Partyið í gær var geðveikt, það eru alltaf haldin svona “sygeplejefest í Sygeplejeskólanum” annað slagið, sem 4. annar nemar sjá um og 2. annar nemar hjálpa til.
Í gærdag byrjuðum við svo hérna hjá mér, ég, Mette og Mark og hugguðum okkur með pizzu, drykkiog lyfjaútreikninga. Héldum svo í annað fyrirparty hjá bekkjarsystur okkar og svo í skólann að passa vinnuna okkar. Byrjuðum í miðasölunni, svo í fatahenginu, síðan á barnum og síðast á dansgólfinu. Eitt það skemmtilegasta DJ Ball sem ég hef farið á. Ég elska danskt djamm og þeirra dansvenjur. Það voru bara alveg hellingur af dansþjálfurum þarna sem voru allir af vilja gerðir til að kenna svona flækjufóti eins og mér… nei nei ég er öll að koma til. Þetta veltur að sjálfsögðu allt á hversu flinkur þjálfarinn er.
En ferðinni var svo heitið niðri í bæ þar sem haldið var áfram að dansa á Penny og Buddy Holly (já þið lásuð rétt… ég á Buddy Holly).

En fæturnir mínir eru í verra ástandi en eftir körfuboltann. Ég tjúttaði af mér húðina á tánum. Ég fór með 4 plástra á hægri og 2 á vinstri í Sönderskovskólann í dag, meira að segja haltrandi. Hálf sjúskaður barþjónn 😉 En gaman samt. Þetta er allt þess virði.
Átti svo að vera í Idrætshallen í kvöld sem barþjónn en það voru komnir svo margir hjálparar að ég fékk að fara heim. Enda ekki vanþörf á að láta tærnar jafna sig fyrir morgundaginn þar sem þrammið verður í algleymingi í peningaplokki fyrir krossinn rauða. Ætlum að klára hverfið á mettíma, reyna að kría út 2 bauka og skipta okkur. Fara svo heim og hvíla tærnar og taka til því við ætlum að halda einfalt og huggulegt matarboð á morgun.

En þið eruð samt öll yndisleg og mig langar aftur í bæinn í kvöld að dansa.