Daniel D. jr aka. Danni gluggi og snjór í DK!!!
Ó ég hlakka svo til… ég hlakka svo svakalega til… Daníel gluggaþvottamaður, öðru nafni Danni Gluggi þó svo hann heiti Daniel D. jr., kemur ekki á morgun heldur hinn! Ég skal reyna allt hvað ég get til að smella mynd af honum. Þið ykkar sem vitið ekki hver Danni Gluggi er, getið skrollað niður á 4ju síðustu færslu og séð ca. mynd af honum neðst í færslunni.
Annars er snjór í DK núna… engin svakalegur eins og er, en það var frekar slæmt veður í morgun… þessi mynd er tekin yfir sundið, frá Alsion og yfir á liðsforingjaskólann og sjúkrahúsið. Hún var tekin um 9 leytið. Ljósmyndari: Dennis nágranni.
Hálftíma seinna sat ég og drakk kaffi og dáðist að veðrinu. Ég sá ekki þakið á liðsforingjaskólanum frá kaffistofunni á sjúkrahúsinu. Það eru í mesta lagi 30-40m í loftlínu.
Ég held örugglega að ég hafi bloggað um þetta mál áður… og geri það aftur!
Þegar ég bjó á Íslandi, tók ég virkan þátt í að hneyklast og gera grín af höfuðborgarbúum föstum í Ártúnsbrekkunni. Ég skildi þetta hreinlega ekki… landsbyggðarplebbin ég. Þangað til ég flutti til Sönderborgar, sem er 100 sinnum stærri en Fellabær. Og sérstaklega skyldi ég þetta þegar ég fór í fyrsta skipti á hraðbrautina í byl og hálku. Eftir það hef ég hvorki hlegið upphátt né í hljóði af klaufunum í Ártúnsbrekkunni.
En mér finnst samlandar mínir í DK seint þreytast á að gagnrýna Dani, þeirra akturshæfileika í snjó og þeirra „snestorm“ sem margir íslendingar þýða sem „snjóSTORM“. Snestorm er bara bylur. Og bylur er bara snjókoma og vindur. Snestorm er ekki stormur, heldur ekki á danskan mælikvarða. Stormur er 24-28 m/sek í Danmörku. Á Íslandi er stormur 20-24 m/sek. Í morgun var um 15 m/sek, þeas allhvass vindur eða stiv kuling. Sem sagt enginn STORMUR. Það er bara ekki hægt að segja snestivkuling…
Það verður óttaleg kaos á ótrúlega mörgum stöðum í svona veðri. Eiginlega bara öllum stöðum, nema Grænlandi, Siberíu, Færeyjum, Alaska, í óbyggðum Kanada og Íslandi.
En ástæða fyrir kaosinu í DK, er meðal annars:
- reynsluleysi Dana á bíl í snjó
- mjög margir bílar eru ekki snjóhæfir
- sumardekk í mars (og oft allt árið)
- of lítið af snjóruðningstækjum (enda ekki hægt að halda úti alvöru flota EF…)
- þétt umferð – ÞÉTT UMFERÐ!!!
- þétt umferð – ÞÉTT UMFERÐ!!!
- þétt umferð – ÞÉTT UMFERÐ!!!
Kommon, sýnum kaosinu smá skilning!
Það er ekki hægt að líkja saman t.d. sveitaplebbanum mér sem er alin upp uppí fjalli þar sem einungis ein bifreið var á ferðinni, og dönsku-Jette sem er alin upp í grámyglunni á malbikinu í DK.
Sama gildir fólk sem alið er upp á Sauðárkróki, Fellabæ, Ólafsvík og Borgarnesi… það er nánast bara einn bíll (og væntanlega jeppi) í einu á ferðinni… ekki 150 og 2 útí runna eins og niður Ringgade í morgun. 10 cm snjóalag veldur kaos!
Ég fór á hjólinu í vinnuna í morgun og það beið svo fallegt og friðsælt eftir mér þegar ég kom út kl 15.
Vinnufélögurnar sögðu að ég mætti ekki hjóla heim, að ég yrði að teyma hjólið því það væri svoddan hálka…
En ribbaldinn ég, hjólaði og sleppti meira að segja annarri á meðan hjólreiðin var mynduð… 😉
