Jehovarnir -VOL. 4!

Hver dettur ykkur í hug að hafi bankað upp á áðan??? já, getiði 3svar… ættuð samt ekkert að þurfa 3 gett í þessa spurningu. Það var að sjálfsögðu pósturinn, þessi ungi sem er sonur fyrrverandi borgarstjóra Sönderborgar, Jans PropelPik, sem kom færandi hendi með páskaegg from Iceland. Og á eftir honum kom fallegi Vottinn minn. Þessi sem minnir svo á Jude Law. Kom mér nú nokkuð á óvart… og var ég nú eiginlega að vonast til að þeir létu mig í friði því ég er alveg búin að vera nokkuð skýr í mínum skilaboðum. Samt kannski ekki nógu skýr þegar hann kom síðast. Veit ekki?

En allavega, hann stoppaði stutt, vildi bara minna á fundinn þann 4. apríl og gaf mér gulu bókina sem ég afþakkaði í tryllingi í fyrstu heimsókninni. Svo sagðist hann verða niðrá göngugötu í dag og á morgun, ef ég vildi vita meira, eða bara ef mér leiddist. Ég sagði honum að það væri bara leiðinlegu fólki sem leiddist, því það væri svo leiðinlegt að það væri ekki hægt að vera eitt með sjálfu sér (speki frá Jóni í Hvannstóði), þessvegna leiddist mér aldrei!

Hann sagði að ef mig langaði til að gera e-ð skemmtilegra en það sem ég væri að gera núna, þá skyldi ég koma niður í göngugötu! Yeeeaaah right. Ég er nú ekki svona græn (þrátt fyrir ótakmarkað spínatát).

Bara svo þið vitið, þá læt ég ekki glepjast, og fer ekki á date niður í göngugötu, þótt hann sé nánast alveg eins og Jude Law. Ég ætla að gera ritgerð í dag og á morgun.

Góða helgi 🙂